Urriðaholtsskóli er samrekinn leik- og grunnskóli í Garðabæ. Auglýst er eftir háskólamenntuðum einstaklingum til að sinna m.a. stuðningi og þjálfum barna á leik- og grunnskólastigi. Teymisvinna er einkennandi fyrir starfshætti skólans bæði á meðal nemenda og starfsmanna, svo og milli skólastiga. Unnið er út frá atferlismótandi starfsháttum og er skólinn í samstarfi við Háskóla Íslands varðandi nám í hagnýtri atferlisgreiningu. Gildi skólans eru: Virðing, ábyrgð og umhverfi. Starfsumhverfi er gott og lögð áhersla á að vinna eftir gagnreyndum aðferðum.
Helstu verkefni:
- Sinnir atferlisþjálfun nemenda á leik- og grunnskólastigi og vinnur undir stjórn deildarstjóra stoðþjónustu skólans
- Koma að þjálfun, stuðningi og atferlismótun barna
- Halda utan um þjálfun og daglegt starf barna
- Vinna að áætlanagerð og mati á framvindu barna í samráði við deildarstjóra og kennara
- Situr teymisfundi og sinnir foreldrasamstarfi
Menntunar- og hæfniskröfur:
- BS í sálfræði eða á sviði menntunar-, uppeldis- eða kennslufræði eða sambærilegt nám
- Viðbótarnám í hagnýtri atferlisgreiningu er skilyrði
- Reynsla af starfi í leikskóla og/eða grunnskóla æskileg
- Ánægja af því að starfa með börnum
- Frumkvæði, samskiptahæfni og sjálfstæði í vinnu
- Íslenskukunnátta á stigi B2 samkvæmt samevrópskum tungumálaramma
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi. Einnig er til staðar sérverkefnasjóður sem styður enn frekar við skólastarfið.
Umsóknarfrestur er til og með 16. febrúar 2026. Gert er ráð fyrir að ráðningar taki gildi sem fyrst.
Nánari upplýsingar um starfið veita Þorgerður Anna Arnardóttir skólastjóri, thorgerduranna@urridaholtsskoli.is og Guðbjörg Vilhjálmsdóttir deildarstjóri stoðþjónustu Urriðaholtsskóla, netfang gudbjorgvi@urridaholtsskoli.is
Launakjör eru samkvæmt kjarasamningi Sambands íslenskra sveitarfélaga við Starfsmannafélag Garðabæjar.
Áhugasamir einstaklingar, án tillits til kyns, eru hvattir til að sækja um.
Umsækjendur eru beðnir um að sækja um með því að smella á Skrá inn og sækja um starf hér fyrir neðan.
Umsókn um starfið skal fylgja kynningarbréf og starfsferilskrá. Í kynningarbréfi skal gera grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Öllum umsóknum verður svarað.
