Umsjónarkennari óskast á yngra stigi vegna forfalla í Hofsstaðaskóla

side photo

Auglýst er eftir umsjónarkennara í fullt starf vegna forfalla á yngra stigi frá byrjun október í Hofsstaðaskóla í Garðabæ. Í skólanum eru 585 nemendur í 1. - 7. bekk og þar starfa um 90 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og er öll aðstaða í skólanum til fyrirmyndar.

 

Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda skólastefnu Garðabæjar. Læsi skipar stóran sess og áhersla er lögð á lesskilning og ritun. Þjónusta við nemendur með sérþarfir er öflug. Síðastliðin ár hafa ýmis þróunarverkefni verið unnin í skólanum s.s. um leiðbeinandi kennsluhætti, skýra markmiðssetningu, vellíðan og hugleiðslu, námsmat, stærðfræði, íslensku, upplýsingatækni o.fl. Unnið er að innleiðingu Uppeldis til ábyrgðar.

Nánari upplýsingar um skólann má finna á heimasíðunni www.hofsstadaskoli.is


Helstu verkefni og ábyrgð: 

  • Að hafa umsjón með námshópi
  • Að vera leiðtogi í námi nemenda
  • Að stuðla að velferð nemenda
  • Að eiga gott samstarf við foreldra
  • Að taka þátt í þróun skólastarfsins


Hæfniskröfur:

  • Leyfisbréf til kennslu í grunnskóla
  • Góð samskipta- og skipulagsfærni
  • Áhugi á samvinnu og teymiskennslu
  • Faglegur metnaður og ánægja af starfi með börnum
  • Frumkvæði og jákvæðni gagnvart skólaþróun
  • Góð færni í upplýsingatækni og vinnu með tölvur og spjaldtölvur


Umsóknarfrestur er til og með 28. september 2019.


Nánari upplýsingar um starfið veitir Hafdís Bára Kristmundsdóttir skólastjóri í síma 5908100 eða með því að senda tölvupóst á netfangið hafdis@hofsstadaskoli.is

 

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar án tillits til kyns eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is.

Umsóknum skal fylgja ítarleg starfsferilskrá.