Flataskóli auglýsir eftir umsjónarmanni tómstundaheimilis Krakkakots

side photo

Í Krakkakoti fer fram tómstundastarf að lokinni kennslu fyrir nemendur í 1. - 4. bekk. Fjöldi barna dvelur þar alla daga vikunnar í lengdri viðveru. Leitað er að hugmyndaríkum, sveigjanlegum starfsmanni sem er tilbúinn að leggja sig fram og takast á við fjölbreytt og skemmtilegt verkefni við að leiða starfið í tómstundaheimilinu Krakkakoti.

 

Flataskóli er heimilislegur barnaskóli þar sem 475 börn frá fjögurra ára aldri og upp í 7. bekk stunda nám. Þar ríkir góður starfsandi og aðstaða er sérstaklega góð. Áhersla er lögð á metnaðarfullt starf, vellíðan nemenda, heilsueflandi skólastarf og umhverfisvernd.


Helstu verkefni og ábyrgð:

  • Skipulagning og umsjón með faglegu starfi og daglegum rekstri tómstundaheimilisins.
  • Samskipti og samstarf við skólann, félög og aðra þá sem bjóða upp á tómstundastarf fyrir börn.
  • Samstarf og samskipti við foreldra og starfsfólk skólans.
  • Upplýsinga- og kynningarstarf.

 

Hæfniskröfur:

  • Háskólamenntun sem tengist starfinu, t.d. í tómstundafræðum eða sambærileg menntun.
  • Hæfni í mannlegum samskiptum, jákvæðni, frumkvæði og framtakssemi.
  • Reynsla af starfi með börnum.
  • Almenn tölvukunnátta auk skipulags- og stjórnunarhæfileikum.
  • Góð íslenskukunnátta.


Umsóknarfrestur er til og með 23. nóvember 2019. Um er að ræða 75% starf og möguleiki er að bæta við starfshlutfallið með öðrum störfum innan skólans.

Starfið er laust frá 1. janúar 2020.


Nánari upplýsingar um starfið veitir Helga María Guðmundsdóttir skólastjóri í síma 6171572 og á netfangi helgam@flataskolis.

 

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um rafrænt á heimasíðu Garðabæjar www.gardabaer.is. Umsóknum skal fylgja ítarleg starfsferilskrá.